Modna

Dopo lo spavento e l’orrore del terremoto è bene ricordare il bello della propria terra, non perché sia memoria ma per tornare a fare risplendere un territorio ferito. Mi dispiace per chi non sa il nostro dialetto ma cose come questa non si traducono. 

Modna (l’è bèla seimper)

A peins che quand d’invéren

a cala la fumàna

s-a fóssa anch a l’inféren

a vrev sol éser chè…

L’è bèla féssa , ciunta

l’a-s tàia col curtèl

e po’ mitigh da zunta

ch’l è anch un quèl specièl.

Modna l’è bèla seimper,

mò quand l’a-s mátt in tir

cun al sô col ‘d fumàna

l’a-t tós fin al respir.

A-n gh’avam una muntagna

e gnanch un gázz ed mer,

dedlà da la fumana

a gh’avam al mànd intér.

Una fumàna bianca

l’è qualla ed la zitè,

la bagna apeina in tèra

cun un fer delichê.

Invece, a la Crusatta

l’è féssa come un mur

s’t-e gh pog’ la biciclatta

la sta drétta ed sicur.

Modna l’è bèla seimper

mò quand l’a-s matt in tir

cun al sô col ‘d fumàna

l’a-t tôs fin al respir.

Bèda, però, fumàna

a-n fer la birichèina,

quàcia tótt qual che t vô

mò brisa la Ghirlandèina.

( Luciano Zanasi )